Muriqi është shpallur nga FFK-ja ‘futbollisti më i mirë i Kosovës për vitin 2019’

Vedat Muriqi është zgjedhur futbollisti më i mirë i Kosovës për vitin 2019, në gala mbrëmjen e mbajtur sonte, shkruan Gazeta Express.

Sulmuesi prizrenas e kaloi një vit fantastik, fillimisht me ekipin Rizespor, për të vazhduar me Fenerbahçen në pjesën e dytë të vitit, por edhe me Përfaqësuesen e Kosovës, me të cilën ishte i “frikshëm”.

Në garë për këtë çmim ishin edhe Amir Rrahmani dhe Milot Rashica.

“Po ndihem vërtetë mirë, që puna e një viti po shpërblehet. Për këtë çmim dua të falënderoj gjithë bashkëlojtarët e mi. Ka qenë një vit i mirë i suksesshëm. Për mua është një motiv shtesë ky çmim, në të ardhmen do të jap maksimumin që të ndihmoj ekipin dhe Kosovën”.

“Kemi ëndërr që të kualifikohemi në Euro 2020 dhe besoj se me punë dhe këtë staf ëndrrën do ta bëjmë realitet

“Kërkoj falje që nuk isha aty për ta pranuar këtë çmim,. Do të shihemi së shpejti për ta bërë ëndrrën realitet”.

Muriqi luajti 7 ndeshje me Kosovën në vitin 2019, dhe realizoi katër gola. AI nuk ishte i pranishëm për të pranuar çmimin, për shkak të detyrës me Fenerbahçen.

Muriqi gjithashtu ka dhuruar edhe 2 asistime.

Vitin e kaluar këtë çmim e rrëmbeu, Arbër Zeneli. /Gazeta Express/